Verba Logosen hizkuntz tresna bat duzue, erabili nahi duen orok dohainik eskura dezakeena. Tresna honek, aditz jakin baten forma guztiak ikusteko aukera ematen du: flexioak, denborak, moduak, erak eta abar. Ez da beharrezkoa aditzaren infinitiboa ezagutzea, edozein forma jokatu erabil daiteke bilaketari ekiteko.

Era berean, Logos Verbak txinerako aditzei buruzko tratatu labur bat eskaintzen dizue. Tratatu hau Sinologosek egina da, ekialdeko hizkuntzetan espezializatutako Logoseko taldeak alegia.

Aditzak jokatzeko orrialdean sartzean, hainbat bandera agertuko zaizkizu, zerbitzu hau zein hizkuntzatan eskaintzen den adieraziz. Kurtsorea herri bakoitzeko banderaren gainean pixka batean jarriz gero, hizkuntza horri dagokion datu-basean zenbat aditz dauden agertuko da. Klik eginez aukeratutako hizkuntzako orrialdea agertuko da, tresna honi buruzko informazio osagarriarekin eta alfabetikoki antolatutako "aditz guztien" zerrendarekin batera. Aukeratutako aditza jokatu ondoren, zuzenean hiztegiarekin eta Wordtheque-arekin konektatzen duten hainbat esteka agertuko zaizkizu. Ingurune guztiz integratua... klik egite hutsarekin.

Egizu klik Logosen orri nagusiko Verba aditzak jokatzeko programa unibertsalean sartzeko. Orrialde honetan eremu bat agertuko zaizu erdian, aukeran dituzun hizkuntzako aditz bat bertan idazteko.